LI ADRETS

(De Zéphirin Castellon)

Refrain :

Li Adrets bello campagno

Paradis ple de bouonur

Ajouca a la mountagno

Toujou ple de soulei

Souto un ciel d’azur.

Toujou dintre la verduro

Dai roures, dai castagnies

Paradis de la naturo

Respires l’ario puro

Vivo li Adrets.

Tout entoura d’escoubos,

Perfuma de ferigoulo

de bouisses, de San-Jouan.

Uno visto magnifico,

Per nous es l’Americo,

Aqui ai Adrets soubrans.

Adouran l’altitudo,

La pas, la soulitudo.

Tout aco mi repauso

E viven de gran causo.

Al pe de cado ribo,

Quouro lou soulei arribo,

Per nous la bello vido, 

Pichins e grans

Per sus li a la serriero,

Que elo la premiero

Mi paro dal gros vent.

A la faisso soutrano,

Cado jou bramo, bramo 

Lou valou d’Encandoulent.

Aqui al pe dal caire,

Doun es naissu gran maire,

Al pe de cado planto,

Cado jou un merlou canto.

Tout li nious fan festo,

An la musico en testo.

E pi iou fau lou resto 

Cadun es countent.