NISSA LA BELLA

Viva, viva, Nissa la Bella

O la miéu Bella Nissa,

Régina de li flou

Li tiéu vielhi taulissa

Iéu canterai toujou.

Canterai li moutagna,

Lu tiéu tant ric decor,

Li tiéu verdi campagna

Lou tiéu gran soulèu d’or.

Refrain :

Toujou iéu canterai

Souta li tiéu tounella

La tiéu mar d’azur

Lou tiéu ciel pur

E toujou criderai

En la miéu ritournela

VIVA, VIVA NISSA LA BELLA.

Canti la Capelina

La rosa, lou lilà

Lou Pouort, e la Marina

Paioun, Mascouinà !

Canti la soufieta

Doun naisson li cansoun,

Lou fus, la coulougneta,

La miéu bella Nanoun.

Canti li nouostri gloria

L’antic e bèu calèn,

Dou dounjoun li vitoria

L’oudou dou tièu printems !

Canti lou vielh Sincaire

E lou tiéu blanc drapèu

Pi lou brès de ma maire

Dou mounde lou plu bèu !