JEAN-CLAUDE GORSSE

Poules liege aqui souto lei respouostos de Jean-Claude qu'a respoundu en aquellos des demandos. Es un de plus fouort jugaire de mourra. Es per aquo que lou sounan "Moussu Gorsse Mestre es Mourra".

1. Presente- ti un poù.

Ma vé, ai agu la fourtuno de m'estre recampa fa un poù mai de sessant' ans dai Vietnam fin a Thiery, doun ai creissu embe li mieùs nonous que tenion lou bistro sus la plaça. Pi ai trabailha coumo touplen uno voùto e ahuro pouolou faire de penechs, despi que siou a la retreto.

2. Coumo t'es venguo l'arbasuo de la mourra ? Sabrina

Coumo tant d'autres, mi siou enrabia d'aquel juec quouro erou mainau. Aviavan pas lou drech de jugar ! Lous omes nous voulion pas ! Alouro anavian s'escounde per emparar a jugar. Es ver que erou ben plaça per faire l'espilho dai juec ai bistro ! Regarjavou souven lous jugaires de mourra. D'aquel temp aviavan de pensionari que venion d'Italia, de bouscatiés. Dai dissato ai dimench li passavon la nuech a jugar…e a beure !

3. Quouro juegues ?

Ja, chal estre uno cliquo ! Per lai festos, a la fin dai balletti, ai festin e lou mai souven per jugar lou bouchin ai bochos. E insido aquel que gagno manda lou bouchin per la sieu equipo en premier !

4. Pichin, a Thiery, t'en aviso de partios de mourra ?

De nuech e de nuech a pa pousqué barra un uei dai boucan que faion a bramar e picatar sus lou taulier dai bistro. Devio estre de nougiero per resistar !

5. Que ti plas lou mai lein aquel juec ?

La mourra es uno gangreno, quouro ti pilho t'empouorto Senso beure ! Ti semblo que fas li foundatioun dai tieù empiri ma sios que lou tiou cacan ! C'en que n'en soubro ? Quasi ren, si as ben juga e que ti sios ben amusa embe d'amics tan ti reven ! Es coumo li pantais !

6. Que chal faire per gagnar, n'as uno de " tactique " de juec ? Per gagna?

Vai cerca…un poù de brindou, de gaubi, de malicia e touplen d'antichipado, tout aco fa la mestriso dai juec ! Ma noun t'embilar que gagnes ou que perdes, beùras un coù embe lou tieù aversari !

7. Lou pounch que t'agrado lou mai de faire ? Lou mens ?

Aquel que fas perque as fach veni l'aversari din lou tieù juec ! Li as pilha la man. Es lou countrari ! Deves toujou segue lou juec !

8. Que vouol dire per tu d'estre jugaire de mourra ?

Es la marca d'uno traditioun de THIERY, dei TUBANS e mi semblo, qu'ensindo, pourtan e proumenan la nouostro identita. Es findo la maletta dei souvenis que cadun si pouorto en lou couor ….

9. Coumo, tu, ves chaminar la mourra din l'avenir ?

Mi fa peno d'où dire ma mi semblo que lou lume de la mourra s'amueurce adaise. L'associatioun qu'aven basti a pilha lou bouon camin ! Li jouves vouolon emparar a jugar e li gens que nous regarjon jugar pilhon de plasi a nous veire e cercon a capir ! Veren ben, lou camin es enca lonc ma li jouves lou segon ! Chal ave la fé e l'ai !

NOUN LAISSA MOURRI LOU LUME ! VIVA LA MOURRA !

10. Un counseil per lous jouves que vouolon emparara a jugar.

An de chança e de patiença e pi soun toui a l'escola soubrana. Manca re de magistre per emparar a jugar !