LAURENT PERRIER

Laurent"Poulicarpe"

Poules liege aqui souto lei respouostos de Laurent (nouménaio : Poulicarpe) qu'a respoundu en aquellos des demandos. Es verament un jugaire a veire jugar perque per lei bramasueugnos es un de plus fouort. En mai d'aco parlo ben la lengo e aco despi picchin.

1. Presente- ti un poù.

Iou siou d'Ilounse, Mi souonou "Pouli", ven de POULICARPE, ai trente ueuche ans e siou paire de dous enfans que jugaran a la mourra.

2. Coumo t'es venguo l'arbasuo de la mourra ?

Quouro veiavou lous vieils jugar a la mourra m'impressiounava la violence, la puissance, lou bousin e m'a chagu prouvar.

3. Quouro juegues ?

De que si presento l'occasioun.

Christine"Kiki"4. Pichin, en Ilonso, t'en aviso de partios de mourra ?

Pas gaire de couos que i'a aquo de Fortuné ni eron quarcuns que jugavon, faio de tapajo.

5. Que ti plas lou mai lein aquel juec ?

Quouro juges a la mourra oublides tout, n'as ré lou temp de pensar, vives lou moument.

6. Que chal faire per gagnar, n'as uno de " tactique " de juec ? Per gagna?

Lou veritable jugaire de mourra de "tactico" n'a ré, quouro as ben manja e ben begu, juges eme lei tious tripos e se n'ia un que mi di d'aver la "tactico" mi fa ben rire !

7. Lou pounch que t'agrado lou mai de faire ? Lou mens ?

Lous pounchs m'agradon tous quouro es iou que li marquou ma lou mai es lou UN SOULE.

8. Que vouol dire per tu d'estre jugaire de mourra ?

Un jugaire de mourra si vouol d'estre filou, si cha faire respecta, ma respect tamben l'aversari es aquo que mi plas.

9. Coumo, tu, ves chaminar la mourra din l'avenir ?

Creou re que un jou la mourra si trobera ai juecs olympics, ma mi fario plasir que lous jouves continuesson la traditioun.

10. Un counseil per lous jouves que vouolon emparara a jugar.

Jugar pichin e n'aver re poù de degun, lou mai d'aquo es de faire de partios.