PATRICK MARI

Moussu lou Consou dai Couol de la Sinno nous a respoundu. Mourraire despi toujou, es soun paire que li a empara a juga.

1. Presente-ti un poù.

Siou lou Maire dei Couol de la Sinna per rire (la souleto Coumuno libro das Alpes Maritimes), ma siou propi un Ilounsenc de trento siei ans e siou lou chantur dai groupe " Fai de Bousin ".

 

2. Coumo t'es venguo l'arbasuo de la mourra ?

Despi que siou pichin ai vist lous vieils jugar e tout aco m'a plasu ! Ai prouva de faire parié e ai countinua.

3. Quouro juegues ?

A la fin dai bouons repast embe lous amics, quouro i'a festa embe l'assouciatioun de la mourra.

4. Pichin, en Ilonso, t'en aviso de partios de mourra ?

A la fin dai repast de chasso aco de Fourtuné, lou pauvre Chiquin jugavo toujou embe moun paire contro Fourtuné e André dai Serret. N'en faion d'aquellous de brames e a piquar sus lou taulier...

5. Que ti plas lou mai lein aquel juec ?

Ce que mi plas e de mi troubar embé de gens coumo iou e mi plas ben de mi faire veire din las demounstratiouns. Ben entendu, din lou respect de la traditioun.

6. Que chal faire per gagnar, n'as uno de " tactique " de juec ?

Pas troù beùre, m'a aco es pas facile, per estre drech, e ben regarja lou juec de l' aversari.

7. Lou pounch que t'agrado lou mai de faire ? Lou mens ?

Lou mai : es lou mingo (0) Lou mens, n'i a rè.

8. Que vouol dire per tu d'estre jugaire de mourra ?

Vouol dire que siou GAVOUOT.

9. Coumo, tu, ves chaminar la mourra din l'avenir ?

Siou content de veire que i'a touplen de jouves en Ilonso, a Pierlos e a Thiery que juegon ben. Es elous que faran l'avenir.

10. Un counseil per lous jouves que vouolon emparara a jugar.

Ben mi ragarjar jugar e faire parié.

Toine